ЗҮҮН АЗИЙН ЗАЛУУЧУУДЫН НААДМЫН ӨМНӨХ ШҮҮГЧДИЙН СУРГАЛТ БОЛЛОО

Монгол улсад анх удаагаа болох гэж буй “Улаанбаатар 2023” Зүүн Азийн залуучуудын наадмын хөлбөмбөгийн төрлийг БНХАУ, Макао, Хятадын Тайваний хөлбөмбөгийн холбооны ОУХБХ-ны 6 гадаад шүүгч, ОУХБХ-ны 6 шүүгч болон МХБХ-ны “А” ангилалтай 3 шүүгч, нийт 15 шүүгч дэнсэлнэ.

Тус тэмцээний өмнөх хоёр өдөр МХБХ-ны зүгээс сургалтын амжилттай зохион байгуулж өнөөдөр амжилттай өндөрлөж маргаашаас тэмцээнээ шүүх ба уг сургалтыг МХБХ-ны Шүүгчийн хэлтсийн дарга болон сургагч багш Д.Түмэнбаяр удирдаж мөн уг тэмцээний хянагч шүүгчээр ажиллах юм.

Уг сургалтад оролцсон БНХАУ, Макао, Хятадын Тайваний шүүгч нартай 2 хоногийн турш МХБХ-ны шүүгчид туршлага солилцож Улаанбаатар-2023 Зүүн Азийн Залуучуудын наадмын тэмцээнд хамтран ажиллах юм.

Олон Улсын тэмцээнд ажиллах МХБХ-ны шүүгч нартаа өндөр амжилт хүсье.