ЦАГДААГИЙН ЕРӨНХИЙ ГАЗАРТАЙ ХАМТРАН АЖИЛЛАХ САНАМЖ БИЧИГ БАЙГУУЛЛАА

Монголын Хөлбөмбөгийн холбоо, Цагдаагийн ерөнхий газартай хамтын ажиллагааны санамж бичигт гарын үсэг зурлаа.
Тус уулзалтад МХБХ-ны Ерөнхийлөгч А.Ганбаатар, ЕНБД Д.Тэрбаатар болон Цагдаагийн Ерөнхий газрын урьдчилан сэргийлэх хэлтсийн дарга, цагдаагийн хурандаа Б.Баттулга, интерпол хариуцсан ахлах мэргэжилтэн, цагдаагийн дэд хурандаа Б.Наранхүү нар оролцлоо.
Санамж бичгийн хүрээнд талууд хамтран, Монгол Улсын нутаг дэвсгэрт гэмт хэрэг, зөрчлөөс урьдчилан сэргийлэх сургалт, мэдээллийг Монголын хөлбөмбөгийн оролцогч талуудад таниулах, хөлбөмбөгийн спортод тоглолт наймаалцах, мөрий бооцоо тавих, авилга өгөх, авах зэрэг шударга бус үйл ажиллагаатай тэмцэхэд хуулийн байгууллагын мэргэжлийн туслалцаа, дэмжлэг үзүүлэх үйл ажиллагааг хэрэгжүүлэх юм.
Хөлбөмбөгийн шударга байдлыг хамгаалахад хамтдаа

Other Articles

ЕрөнхийлөгчМХБХ