МХБХ-ны урт хугацааны хөгжлийн хөтөлбөр /2012-2022/ эмэгтэйчүүдийн хөлбөмбөгийг хөгжүүлэх төлөвлөгөөний дагуу 2020 онд хийгдэх ажлуудыг танилцуулж байна.
Зорилго: Эмэгтэйчүүдийн хөлбөмбөгийн тогтвортой хөгжлийг хангах
Зорилт:
- Эмэгтэйчүүдийн хөлбөмбөгт оролцох оролцоог нэмэгдүүлэх зорилгоор стратеги төлөвлөгөөний дагуу AFC WAP ( Women’s Assistance Program) хэрэгжүүлэн ажиллах
- Эмэгтэй хөлбөмбөгийн тэмцээнүүдийг нэмэгдүүлэх болон эмэгтэй дасгалжуулагчдыг олноор бий болгох
- Эмэгтэй хөлбөмбөгийг олон нийтэд сурталчлах
- Үндэсний Эмэгтэй Шигшээ багийн суурийг бүрдүүлэх
1- Эмэгтэйчүүдийн хөлбөмбөгт оролцох оролцоог нэмэгдүүлэх зорилгоор стратеги төлөвлөгөөний дагуу AFC WAP ( Women’s Assistance Program) хэрэгжүүлэн ажиллах
- Олон нийтэд эмэгтэй хөлбөмбөгийг таниулах, эмэгтэй хөлбөмбөг сонирхогчдыг нэмэгдүүлэх зорилго бүхий эмэгтэйчүүдийн хөлбөмбөгийн өдөр /AFCWFD/, грассрүүтс хөтөлбөрийг чанаржуулах, цар хүрээг нэмэгдүүлэх
- Монголын Хөлбөмбөгийн Холбоо, “Их Талын Дуулиан” ТББ-тай хамтран ЕБС-дын дунд футзалын “Дуулиан 2020” тэмцээнийг хамтран зохион байгуулах
- Монголын Хөлбөмбөгийн Холбоо, Японы Хөлбөмбөгийн Холбоотой хамтын ажиллагааны хүрээнд /MOU/, U15 болон U18 хүртэлх насны шигшээ багуудыг Япон дасгалжуулагч Наоко Кавамотогоор удирдуулах
- Тоглогчдын бүрэн хэмжээний мэдээллийн баазыг бүрдүүлэх /FIFA CONNECT SYSTEM/
2- Эмэгтэй хөлбөмбөгийн тэмцээнүүдийг нэмэгдүүлэх болон эмэгтэй дасгалжуулагчдыг олноор бий болгох
- Эмэгтэйчүүдийн лигийг 10 багтай 2 тойргоор зохион байгуулдаг болгох
- Бага насны охидын хөлбөмбөгийг дэмжих зорилгоор 13, 15 хүртэлх насны тэмцээнүүдийг лиг болгон зохион байгуулах
- Эмэгтэй тоглогч, хаалгач, шүүгчийг нэмэгдүүлэх зорилго бүхий сургалтуудыг жил бүр зохион байгуулах
- Дасгалжуулагчийн зэрэглэл ахиулах болон анхан шатны сургалтуудад эмэгтэй дасгалжуулагчдыг олноор хамруулах
3- Эмэгтэй хөлбөмбөгийг олон нийтэд сурталчлах
- Эмэгтэй хөлбөмбөгт чиглэсэн маркетингийн төлөвлөгөө боловсруулах
- МХБХ веб сайтад эмэгтэй хөлбөмбөг хэсэгтэй болох
- Сошиал медиа ашиглан эмэгтэй хөлбөмбөг, тоглогчдыг сурталчлан таниулах
- Эмэгтэй хөлбөмбөгт зориулсан эвент, үйл ажиллагааг олноор зохион байгуулах
4- Үндэсний Эмэгтэй Шигшээ багийн суурийг бүрдүүлэх
- Охид, эмэгтэйчүүдийн шигшээ багууд олон улсын тэмцээнүүдэд оролцох /Зүүн Азийн АШТ, Хонг-Конг, Бангладеш, Ногоон наадам г.м /
- Шигшээ багуудын бэлтгэл, сургуулилтуудыг гадны оронд хийж бусад гишүүн холбоодтой хамтран ажиллах
- 15 хүртэлх насны охидын Олон улсын тэмцээнийг Улаанбаатар хотноо зохион байгуулахаар ажиллаж байна.